Your Advertisement
ਪੰਜਾਬੀ ਫਿਲਮ ਤੇ ਮਿਊਜ਼ਿਕ ਇੰਡਸਟਰੀ ਦੇ ਪ੍ਰੋਡਿਊਸਰ ਔਜਲਾ ਤੇ ਅਦਾਕਾਰਾ ਪਲਕ 'ਤੇ ਠੱਗੀ ਦਾ ਦੋਸ਼

ਜਲੰਧਰ (ਬਿਊਰੋ) — ਮਹਾ ਮਿਊਜ਼ਿਕ ਐਂਡ ਫਿਲਮ ਪ੍ਰੋਡਕਸ਼ਨ ਹਾਊਸ ਦੇ ਐੱਮ. ਡੀ. ਪ੍ਰੀਤ ਔਜਲਾ ਤੇ ਉਸ ਦੀ ਪਤਨੀ ਅਦਾਕਾਰਾ ਪਲਕ ਔਜਲਾ 'ਤੇ ਪੁਲਸ ਨੇ ਠਗੀ ਦਾ ਕੇਸ ਦਰਜ ਕੀਤਾ ਹੈ। ਦੋਸ਼ ਹੈ ਕਿ ਉਨ੍ਹਾਂ ਨੇ ਫਿਲਮ ਤੇ ਮਿਊਜ਼ਿਕ ਇੰਡਸਟਰੀ 'ਚ ਪੈਸੇ ਲਾ ਕੇ 10 ਮਹੀਨੇ 'ਚ ਦੁਗਣੇ ਕਰਨ ਤੇ ਕੈਨੇਡਾ ਭੇਜਣ ਦੇ ਨਾਂ 'ਤੇ 24.50 ਲੱਖ ਰੁਪਏ ਲਏ ਹਨ। ਨਾ ਤਾਂ ਪੈਸੇ ਡਬਲ ਹੋਏ ਤੇ ਨਾ ਹੀ ਕੈਨੇਡਾ ਭੇਜਿਆ। 24.50 ਲੱਖ 'ਚੋਂ ਕੁਝ ਪੈਸੇ ਤਾਂ ਵਾਪਸ ਕਰ ਦਿੱਤੇ ਹਨ। ਹਾਲਾਂਕਿ 18 ਲੱਖ 16 ਹਜ਼ਾਰ,973 ਰੁਪਏ ਵਾਪਸ ਨਹੀਂ ਦਿੱਤੇ। ਦੋਸ਼ ਹੈ ਕਿ ਪੈਸੇ ਮੰਗਣ 'ਤੇ ਉਨ੍ਹਾਂ ਨੂੰ ਜਾਨ ਤੋਂ ਮਾਰਨ ਦੀ ਧਮਕੀ ਦਿੱਤੀ ਗਈ। ਇਸ ਸ਼ਿਕਾਇਤ 'ਤੇ ਪੁਲਸ ਨੇ ਕੇਸ ਦਰਜ ਕਰ ਲਿਆ ਹੈ।
ਸ਼ਿਕਾਇਤ ਕਰਤਾ ਅਤੁਲ ਸ਼ਰਮਾ ਦਾ ਯਮੁਨਾ ਨਗਰ 'ਚ ਆਪਣਾ ਇਨਵੈਸਟਮੈਂਟ ਦਾ ਬਿਜ਼ਨੈੱਸ ਹੈ। ਉਸ ਦਾ ਕਹਿਣਾ ਹੈ ਕਿ ਬਹੁਤ ਲੋਕਾਂ ਤੋਂ ਔਜਲਾ ਨੇ ਪੈਸੇ ਠੱਗੇ ਹਨ। ਉਹ ਮੋਹਾਲੀ ਦਾ ਆਪਣਾ ਆਫਿਸ ਬੰਦ ਕਰ ਚੁੱਕਾ ਹੈ। ਉਸ ਦਾ ਹੁਣ ਕੁਝ ਪਤਾ ਨਹੀਂ ਚੱਲ ਰਿਹਾ ਹੈ ਕਿ ਉਹ ਕਿੱਥੇ ਹੈ। ਡਰ ਹੈ ਕਿ ਕਿਤੇਂ ਉਹ ਵਿਦੇਸ਼ ਨਾ ਚੱਲ ਗਿਆ ਹੋਵੇ। ਪ੍ਰੀਤ ਔਜਲਾ ਦਾ ਵੀ ਨੰਬਰ ਨਹੀਂ ਲੱਗ ਰਿਹਾ ਹੈ। ਦੱਸ ਦਈਏ ਕਿ ਔਜਲਾ ਦੀ ਪਤਨੀ ਪੰਜਾਬੀ ਗਾਇਕ ਕਲੇਰ ਕੰਠ ਨਾਲ ਕਈ ਗੀਤਾਂ 'ਚ ਮਾਡਲ ਵਜੋਂ ਨਜ਼ਰ ਆ ਚੁੱਕੀ ਹੈ।

No Comment posted
Name*
Email(Will not be published)*
Website